Zer egin
PRODUKTU TIPIKOEN DASTAKETA BELAONTZIAN
PRODUKTU TIPIKOEN DASTAKETA BELAONTZIAN
Belaz eta gastronomiaz gozatzeko bi esperientzi eskaintzen diskizugu
1 Turismo Gastronomiko eta Indrustriala belaontzian
Turismoa egitea, nabigatzea eta ardo onak gustuko badituzu, Bilboko itsasadarretik igarotzeko aukera eskaintzen dizugu, Abra-Getxo kirol portuan atrakatutako 12 metroko eta 8 lagunentzako belaontzian igota eta, gainera, hainbat ardo eta aperitibo dastatuta.
Itsasotik Abrako badiara iritsiko gara eta bertako jauregi eta jauretxeak ikusiko ditugu. Bokalean Gizateriaren Ondare den Bizkaia Zubia miretsi ahalko dugu.Ibilaldian zehar txakolin dastatzea eta kriantza ardoen dastatzea egingo dugu, uztartzearekin.
Amaitzeko, Euskalduna Jauregitik hurbil dagoen Itsas Museoa, Deustuko Unibertsitatea, Guggenheim Museoa eta San Mames futbol zelai berria ikusiko ditugu. Jaisterakoan, cava on bat edango dugu, gozokiekin.
2 Dastaketa belaontzian Bilboko itsasadarrean
Ezagutu ezazu nabigatzeak ematen duen sentsazioa eta dastatu gastronomia tradizionala, dena esperientzia berean. Inguruan egindako txakolin goxoren bat irekiko dugu eta Arabako Errioxako ardoren bat ere eskainiko dizuegu, gatzetan jarritako Bermeoko antxoa samur batzuekin batera edateko, baita pikillo piper batzuekin ere. Bestalde, euskaldun peto-peto baten ontzian ez dira faltako hegaluzea eta Idiazabal gazta, gure inguruko intxaur batzuez lagunduta. Gainera, tokiko gure gastronomia aparta osatzen duten beste zenbait sorpresa ere izango dituzu zain.
Postrearen ostean kafea ere hartuko dugu; eta, nahi izanez gero, gure basaran-likore ospetsua, patxarana, edateko aukera egongo da. Ordurako itsasadarrean behera egina izango dugu eta Getxoko Kirol Portuan lehorreratuko gara, udalerriaz gozatzen jarrai dezazun.
PREZIOA (2023):
Turismo Gastronomiko eta Indrustriala belaontzian 79 € pertsonako
Dastaketa belaontzian Bilboko itsasadarrean 95 € pertsonako
LEKUA:
El Abra-Getxo Kirol Portua. Kapitaintza eraikina
 |
Metro Gobela edo Neguri |
DATAK:
Urte osoan zehar
ORDUTEGIA:
Galdetu, 4 h
BARNE:
-
Erregaia, patroi-gidaria, atrakeak, asegurua, garbiketa eta zergak, eta dastaketarako janaria.
BESTELAKOAK:
Aldez aurretiko erreserba egin behar da eta gutxieneko 6 pertsonako taldea
EZ AHAZTU:
Eraman gomazko oinetakoak (beltzak ez), eguzkitarako krema eta hotzerako arropa.
ANTOLATZAILEAK:
- Marmitako Sailing: Tel: 609 303 327 http://www.marmitakosailing.com/
- Náutica Galea: Tel: 636 574 679 www.nauticagalea.com
