Gazte lonjak
Gazte lonjak
Lonjen programa
Lonjen programaren helburuak honako hauek dira. Alde batetik, lonjen erabiltzaileen eta auzokideen arteko bizikidetza sustatzea eta, beste alde batetik, lonjen erabilera egoera ahalik eta seguruenean izatea.
Ez dago ordenantzarik lonjen erabilera arautzeko. Beraz, ez da inongo lizentziarik ematen lonjak irekitzeko. Horren ordez, lonjekin zerikusia duen edozeri buruzko galdera edo kexarik egotekotan edonor jar daiteke kontaktuan lonjen programarekin. Gomendio batzuk egiten ditugu lonjen erabilera ahalik eta seguruena izan dadin eta bizikidetza ona izateko. Zalantzarik ohikoenak hemen argitu ahal izango dituzu.
gaztelonjak@getxo.eus / 638 32 20 65
Gutxieneko baldintzak eta gomendioak
Azpiegitura
- Ondoko hauek izango dira gutxienekoak: txorrotako ura (Partzuergoaren kontratuaren eta ordainagiri baten bidez frogatu behar da), gutxienez txorrota bat, argia (baimendutako instalazio elektrikoa (Iberdrolaren kontratuaren eta ordainagiri baten bidez frogatu behar da), larrialdi argiak, bainugela (konketarekin eta komunarekin), eta su-itzalgailu bi (bata koadro elektrikorako eta bestea normala, 21 A-113B)
- Ezin da sukalderik egon. Baldin badago, desgaituta egon behar da. Ezta su txikirik edo antzekorik ere
- Mikrouhin-labea erabiltzea baimentzen da
Espazioaren banaketa
- Edukierari dagokionez, orientazio modura, ezin da egon aldi berean pertsona bat baino gehiago2 metrokoadroko.
Zarataren kontrola
- Lonjaren jarduera barruan egin behar da.
- Hosgabetu nahi izanez gero, profesionalekin egin.
- Musika-aparatuak, bozgorailuak, telebistak etab ateetatik eta leihoetatik urrundu behar dira. Ez dira alferrik ireki behar. Barruan ezin da gainditu etxebizitza baterako dezibelio maila normala. 75dB gaueko 10ak arte, eta ordutik aurrera telebista soilik entzun ahalko da bolumen normalean, ordenantza betez.
- Ez aritu gidaridun ateak edo pertsianak etengabe irekitzen eta ixten.
- Txirrinik badago, ez du zaratarik egin behar (barruan argia piztu arazi behar du) edo bolumena oso baxu eduki behar du.
- Lokalaren kanpoaldean jendea biltzea galarazi behar da.
- Lokalaren inguruan autoak, motorrak eta abarrekoak pilatzea eta zarata egitea galarazi behar da.
- Lokalean ezin da motorrik, motozikletarik, motorren erregairik ez ekipo elektrogenorik sartu.
Higienea
- Ezin dira zaborrak pilatu. Hondakinak birziklatzen saiatu behar da.
- Beirak eta ebakitzen duten gainerako gauzak berehala garbituko dira.
- Noizean behin lokala aireztatuko da.
- Lonjaren kanpoaldea ere txukun egon behar da.
Animaliak
- Lokalean ezin da animaliarik bakarrik egon.
Altzariak botatzea
- Taldeak altzariren bat botatzea erabakitzen badu, Trasteak Biltzeko Zerbitzuari deitu beharko dio.
Erantzukizun zibileko asegurua
- Erantzukizun zibileko aseguru bat kontratatu beharko da.
- Lonja guztiek botika-kutxa eduki behar dute.
Berokuntza
- Berogailu elektrikoak bakarrik baimentzen dira. Entxufearen diferentziala lokalaren gainontzekotik bereiz egon behar da, indarreko zirkuituari konektatuta, eta zein bere magnetotermikoarekin.
Sarbideak
- Sarrera nagusia kalean egon behar da (espazio publikotik pribatura) eta inoiz ez atari, soto edo garaje batean.
- Sarbideko atea erraz irekitzeko modukoa izan behar da. Ez da inoiz barrutik giltzez itxi behar.
- Lokalean sartzeko bide bakarra pertsiana edo ate “preleva” bat denean, segurtasun neurri gisa ezin izango da inoiz itxita egon barruan norbait baldin badago. Egoera honetan, lokala ez litzateke balioduna, Zaraten Ordenantza ez bailuke beteko. Salbu eta lokalak beste ate bat badauka, lehenengo eta bigarren atalak betetzen dituena.
Kontratua sinatzea
- Kontratu bat sinatu behar denean, sinatzen dutenak adinez nagusi izan behar dira. Adinez txikikoen kasuan, ama, aita edo legezko tutore batek sinatu behar du, kontratuaren bermatzaile gisa.
- Bitartekaritza zerbitzuari lonjako kideen zerrenda emango zaio.
- Era berean, jabeak bere datuak emango dizkio bitartekaritza zerbitzuari.
Programan izena ematea
- Bitartekaritza zerbitzuari lonjako kideen zerrenda emango zaio: izen-abizenak, NAN eta kontakturako telefonoa. Bitartekaritza zerbitzuaren solaskide nortzuk izango diren adieraziko da (gutxienez bi).
- Programan parte hartzearen berri emango zaio jabe erkidegoari.
- Gazte taldeak programako dokumentuan jasotako baldintzak onartzen ditu eta beraiek betetzeko konpromisoa hartzen du.
Bitartekaritza Zerbitzuak fitxategi bat sortuko du, informazio honekin:
- Taldeko kide guztien izen-abizenak, NANa eta harremanetarako telefonoa
- Lokalaren fitxa (planoa, azalera, kokapena…)
- Lokalaren jabearen izen-abizenak, NANa eta harremanetarako telefonoa
- Erreferentziako auzokide bat
- Aitaren, amaren edo legezko tutorearen baimena, adin txikikoen kasuan
- Alokairu kontratuaren edo lagapenaren kopia idatzia
- Instalazio elektrikoa egoera onean dagoela egiaztatzen duen dokumentazioa
- Su itzalgailua egoera onean dagoela egiaztatzen duen dokumentazioa
- Erantzukizun zibilaren polizaren eta ordainagiriaren kopia
- Taldeak dauzkan erabilera arauen zerrenda
Gazte-taldeak aldatzen diren datuen berri eman behar du, baita lokaleko jarduerak bertan behera uzten baditu ere.
Ohiko galderak
Argitu ohiko zalantzak ohiko galderekin:
Alokairu oro kontratu bidez formalizatu behar da. Kontratu horretan legez ezarritako klausulak jaso beharko dira eta hautazkoa izango da beste baldintza osagarri batzuk sartzea, besteak beste, bizikidetza kontuak edo askatasunez adosten diren bestelakoak.
Honako alderdiak nahitaez agertu beharko dira:
- Esku hartzen duten alderdien identifikazioa. Sinatzaileek horretarako gaitasuna eduki beharko dute.
- Kontratuaren xedea.
- Alderdien betebeharrak. Alderdiek hartzen dituzten konpromisoak eta horiek urratzearen ondorioak.
- Kontratuaren iraupena. Hasiera data eta amaiera data aipatzea komeni da. Era berean, kontratua amaitzeko arrazoi posibleak, aurre abisurako epea eta kalte ordain posiblea zehaztea komeni da.
- Ordaintzeko modua. Nola ordainduko den eta zein epetan.
Getxoko Udalak ez du berariaz arautzen lokalen ordutegia. Hau da, lokaletako egonaldia askea da, betiere ordenantzan jasotako zarata mailak gainditzen ez badira. Ondorioz, barruan ezin dira gainditu etxebizitza baterako normaltzat jotzen diren dezibelioak, hau da: 75dB gaueko 10ak arte, eta ordutik aurrera TV soilik entzun ahalko da bolumen normalean.
Merkatuan app ugari daude dezibelioen emisioa neurtzeko, bai IOSentzat, bai Androidentzat.
Beharrezkoa da hemen aurkitzen diren gomendioak betetzea. Hala ere, laburpen gisa, honako elementu hauek jaso genitzake:
- Indarreko kontratua, instalazio elektriko baimendua, ur hartunea, larrialdietako argiak, bainua (konketa eta komuna), su itzalgailuak (bat koadro elektrikorako eta bestea normala, 21 A-112B), erantzukizun zibilaren asegurua.
- Lokalera kanpotik sartu beharko da (espazio publikotik pribatura) eta erraz irekitzen den ate bat izan beharko du.
Erkidegoko norbait kexatzen bada, espedientea Gazte-lonjak zerbitzura iritsiko da eta hark kexak edo gatazkak kudeatzeko protokoloa jarriko du martxan. Protokolo horren bidez, hain zuzen ere, kexak konpontzeko ahalegina egingo da, gazteak eta erkidegoa inplikatuz, akordio batera iritsi ahal izateko.
Helburua kexen arrazoia amaitzea eta inplikatutako pertsona guztien bizikidetza ona lortzea izango da. Halakorik lortu ezin bada, zailtasun zehatzak aztertuko dira kasu bakoitzari erantzun egokia eman ahal izateko.
Aseguruak erantzukizun zibila estali beharko du, hau da, istripuz hirugarrenei sortzen zaizkien kalteen erantzule zibil gisa ordaindu behar dituzten kalte ordainen ordainketa.
Hala eta guztiz, poliza hori beste alderdi batzuetara hedatu daiteke, lapurretara adibidez, edo lokalaren barruan dauden ondasun guztiak babes daitezke. Azken alderdi horiek gomendagarriak dira, baina ez ezinbestekoak. Betebeharra erantzukizun zibila izatea da.
Udal gomendioei jarraiki, lokalaren azalera neurtu behar da. Horren arabera, ezingo da pertsona bat baino gehiago egon bi metro karratuko.
Bai. Udalak Gazte Lokalen Erregistro bat dauka. Erregistro horretan izena emateko, bada, honako agiri hauek aurkeztu beharko dira:
- Taldeko kide guztien izen-abizenak, NANa eta harremanetarako telefonoa. Adingabeen kasuan, gurasoen edo legezko tutorearen baimena.
- Lokalaren fitxa (planoa, azalera, kokapena…).
- Jabearen izen-abizenak, NANa eta telefono zenbakia.
- Alokairu kontratuaren edo lagapenaren kopia idatzia.
- Instalazio elektrikoa egoera onean dagoela egiaztatzen duen dokumentazioa.
- Su itzalgailua egoera onean dagoela egiaztatzen duen dokumentazioa.
- Erantzukizun zibilaren polizaren eta ordainagiriaren kopia.
- Ezarritako erabilera arauen zerrenda.
Dokumentazio hori Gazte Informazio Bulegoan (Tangora etxea. Algortako etorb. 98) entregatu beharko da.
Orokorrean joan-etorrietarako espazioez hitz egiten da lekuetara joateko diren eta erabilera publikoa duten espazioei buruz ari garenean, adibidez, espaloiei, maldei, garajeko irteerei, atariei eta abarri buruz. Hau da, plazak eta antzeko tokiak ez dira talde honetan sartzen.
Espazio horiek libre egon beharko dira eta ezingo dira tresna edo pertsonekin okupatu.
Ez, lokaletan ez denez urteko ordutegi zehatzik arautzen, jaietan ere ez da halakorik egiten, eta, beraz, kasu horietan ere zaraten gaineko gomendioak aplikatu behar dira.
Hau da, barruan ezin da gainditu etxebizitza baterako dezibelio maila normala: 75dB gaueko 10ak arte, eta ordutik aurrera TV soilik entzun ahalko da bolumen normalean.
Merkatuan app ugari daude dezibelioen emisioa neurtzeko, bai IOSentzat, bai Androidentzat.
Gazteen lokaletan instalazio guztiak (elektrikoak eta ura) behar bezala eduki behar dira. Horrez gain, su itzalgailuak eta larrialdietarako irteera argiak eduki beharko dira.
Edukiera mugatuta dago eta berariaz debekatuta dago su txikiak edo sukaldeak erabiltzea, bai eta edozein berogailu mota ere, ez bada elektrikoa, motor erregaiduna edo talde elektrogenokoa.
Halaber, erantzukizun zibileko aseguru bat eduki beharko da.
Getxoko Udalari horren berri eman diezaiokezu ohiko bideen bitartez: Kontsumitzailearen Arreta Bulegoak, Udaltzaingoak, gazteria arloa… Kexa hori Bitartekaritza Zerbitzura bideratuko da eta hark jorratuko ditu kasuak kasuko zailtasunak.
Printzipioz erantzukizuna bizikidetza eragozten ari den pertsonarena da. Hala ere, jabea izanik, alokairua bertan behera utzi ahalko du kontratuan hala jaso badu eta kexak jasotzen jarraitzen badu.
Gazteria Zerbitzua
Urgull kalea, 4 – 2º
48991 Algorta
Telefonoa: 944 660 018
Posta elektronikoa: gazteria@getxo.eus
Gazte Informazio Bulegoa
Telefonoa: 944 660 353- 688 880 985
gaztebulegoa@getxo.eus
Tangora etxea. Algortako Etorbidea, 98
48991 Algorta
Ordutegi berria: 12:00etatik 14:00etara eta 17: 00etatik 20: 00etara, astelehenetik ostiralera.
Abuztuan itxita.