Getxo. Lo tienes todo
Getxo Kultur Etxea
XXXIII Getxo Jazz 2009
2009ko Uztailaren 1etik 5era
Kontzertu Nagusiak: Biotz Alai plazan, 21.30etan
"Hirugarren Milurtekoa": Getxo Antzokiko plazan, 19.30etan, sarrera dohainik
Aurkezpena
Uztailaren 1etik 5era izango da Getxoko Nazioarteko XXXIII. Jazzaldia, Jazz Euskadi 2009 zirkuitua irekiko duena. Aurtengo honetan ere proposamen ugari eta kalitatezkoak ditugu eta bertaratzen direnek nazioartean aintzatetsitako musikariekin eta promesa gazteen musikarekin gozatzeko aukera izango dute.
Ohikoa den legez, Biotz Alai plazan izango dira 21:30etik aurrera Talde Lehiaketako banda gazteen kontzertuak eta kontzertu nagusiak; aurten aparteko programarekin, gainera. Jaialdia zabalduko duena Diana Schurr abeslari eta piano jotzaile ospetsua izango da, “jazzaren lehenengo dama” deitua, egungo ahots handietako bat eta Grammy baten irabazlea “Timeless” diskoarekin.
Uztailaren bian, osteguna, Omar Sosa piano jotzaile kubatarra izango dugu, latin jazzeko figura paregabea eta nazioarteko figurarik moldakorrenetakoa, soinuen espektro zabala egiteko gai dena. Hurrengo egunean Michel Camilo izango da, 2002ko arrakastaren ondoren berriro ere Getxoko Jaialdian. Teknika bikaineko piano jotzaile eta konposatzaile ospetsua den Camilok egungo jazzik onena eta erritmo latindarrak uztartzen ditu, eta ondorioz, sari garrantzitsuak lortu ditu, Grammya, besteak beste.
Larunbatean, hilak 4, Spyro Gyra taldea izango dugu; jazz-fusion banda ospetsu eta emankor honen ibilbidea 70eko hamarkadan hasi zen eta hainbat estilo konbinatzen ditu. Bere arrakasta nabarmenen artean “Shaker Song” eta “Morning Dance” daude, jazz herrikoiaren bi mugarri AEBetan. Azkenik, jaialdia ixteko Paquito D’Rivera saxofonista handia, jazz latindarreko artistarik handienetako bat, eta Chano-Domínguez piano jotzailea, flamenko-jazzean ezinbestekoa eta oraingo honetan Getxora bere Quartier Latin hartuta datorrena, izango ditugu.
2009ko jaialdiaren proposamena betetzeko, “Hirugarren Milurtekoa” ataleko
jarduerak egongo dira (Getxo Antzokia plaza, 19:30), freskotasuna eta
gaztaroa protagonistak, bai eta Dixie Gunean (Algortako Geltokia plaza,
18:00), bigarren urtez jarraian jazzik tradizionalenaren erritmo alaiak.
Amaitzeko, ezin ahaztu The Piper’s Irish Pubeko Jam Session-ak, kaleak
alaitzen ibiliko diren marchin’ banden desfileak eta José Hornaren argazki
erakusketa, Getxoko jazz festa handia osatzeko.
Azken eguneratzea: 2009/06/24
