1.- ZER DA DIRUZ LAGUNDUKO DENA

* Aisialdiko begirale agiria lortzeko ikastaroak.
* Aisialdiko zuzendari agiria lortzeko ikastaroak.

2.- BETE BEHARREKO BALDINTZAK

* Getxoko biztanlea izatea edo Getxoko elkarte edo taldeetako begiralea izatea.
* Ikastaroak beti ere euskaraz izatea.
* Eusko Jaurlaritzak homologatutako ikastegiek eman behar dituzte ikastaroak
* Ikastaroa bukatzeko egin behar diren praktikak Getxoko elkarte batean egin beharko dira.

3.- ORDAINKETA MODUA

* Baldintzak betetzen dituztenei ikastaroen %50erainoko dirulaguntza emango zaie.
* Begirale agiria lortzeko ikastaroak bi urtetakoak izaten dira; hau horrela izanik eta jarraitutasuna ziurtatzeko ordainketa honela egingo da:
- Lehenengo urtean: Lehenengo ikasturteko matrikularen %25eko dirulaguntza, aurkeztu beharreko agiriak aurkeztutakoan.
- Bigarren urtean: Bigarren ikasturteko matrikulari dagozkion agiri guztiak aurkeztutakoan lehenengo ikasturteari dagokion beste %25 eta bigarren ikasturteari dagokion %25.
- Ikastaroaren amaieran: Eusko Jaurlaritzak emandako agiri ofiziala aurkeztutakoan, bigarren ikasturtearen %25.

4.- AURKEZTU BEHARREKO AGIRIAK

* Lehenengo urtean:
- Eskaera orria + kontu korrontearen zenbakia (20 zenbaki)
- Matrikula agiri originalak
- Erroldatze-ziurtagiria edo elkarteko zuzendariak edo buruak izenpetutako ziurtagiria; ziurtagiriak eskatzaileak elkartean burutzen duen lana jasoko du
* Bigarren urtean:
- Eskaera orria + kontu korrontearen zenbakia (20 zenbaki)
- Matrikula agiri originalak
* Ikastaroaren amaieran:
- Eusko Jaurlaritzak emandako agiri ofizialaren kopia.
- Praktikak Getxoko elkarte batean egin direla ziurtatzen duen ziurtagiria.

OHARRAK
* Euskara Zinegotziak, kasu berezietan edo oinarri hauetan jasotzen ez den kasuren batean erabakiak hartzeko ahalmena izango du.
* Dirulaguntzak, erregistroaren hurrenkerari estuki jarraituz abonatuko dira, aurrekontu-partida dagoen bitartean.