1.- NORENTZAT IZANGO DIRA DIRULAGUNTZAK

* Getxoko denda edo establezimenduetako jabeek dirulaguntza jasoko dute, jabeak eurak edo establezimenduan lan egiten duen langileren bat euskara ikasteko klaseetara badoa eta ordezkoa kontratatzen badu.
* Establezimendutzat honako hauek hartzen ditugu:
- Txikizkako merkataritza establezimenduak
- Ostalaritzako establezimenduak
* Dirulaguntza hauen helburua euskararen erabilera merkataritza sektorean sustatzea denez eta helburu orokor honen barruan, dendari eta bezeroaren arteko harremana euskaraz izatea ahalbidetzea denez, lehentasuna jendaurreko langileei emango zaie langile bat baino gehiago duten denda edo establezimenduen kasuan.
* Hala ere, denda edo establezimendu bereko langile bat baino gehiago joan ahalko da euskara ikastera.
* Denda edo establezimenduak ikurren bat ipini beharko du erakusleihoan egitasmo honetan sartu eta euskaraz atenditzeko modua duela adieraziko duena.

2.- BALDINTZAK ETA BETEBEHARRAK

2.1.- Euskaltegian matrikulatzea

Baldintzak:
* Gutxienez, egunean 2 orduko ikastaroa izatea, astean, gutxienez, 10 eskola ordu
* Ikastaroa urritik ekainera bitartekoa izatea bi orduko ikastaroen kasuan.
* HABEk homologatutako euskaltegia izatea

Betebeharrak:
* Euskaltegiaren matrikula osorik ordainduta izatea
* Matrikularen ordainagiri originala
* Euskaltegiaren ziurtagiria
- Ikastaroaren hasiera maila
- Ikastaroaren hasiera-amaiera eguna
- Ordutegia
- Klase-ordu kopurua guztira
* Establezimenduak legez onartua duen ordutegiaren ziurtagiri/baimenaren kopia

2.2.- Udaleko baimen guztiak egunean izatea

Baldintzak:
* Denda edo establezimendu eskatzaileak udalarekiko betebeharrak (lizentziak, zergak) egunean izan beharko ditu.

Betebeharrak:
* Horretarako eskumena duten udaleko sailen txostena eskatuko du Euskara Zerbitzuak
- Zerga zorrik ez duela dioen txostena
- Gainerako baldintzak egunean dituela dioen txostena

2.3.- Ordezkoak kontratua edukitzea

Baldintzak:
* Euskaltegira doan pertsonaren ordez kontratatzen denak lan kontratua beharko du izan.
- Lan kontratua, gutxienez, egunean 2 ordukoa, astean 10 lanordukoa izango da.
- Kontratuaren iraupenak ere, gutxienez, euskaltegira doan langileak egingo duen ikastaroak irauten duen denborakoa beharko du izan. Adibidez, ikastaroa urritik ekainera bitartekoa bada kontratuak ere, gutxienez, halakoa.
* Ordezko langilea kontratatzeak dakartzan gastuak: udalak ematen duen dirulaguntza, gutxienez, ordezko langilea kontratatzeak dakartzan gastuen (ordainsaria, segurantza soziala, eta abar) bestekoak izango dira.

Betebeharrak:
* Ordezkoaren kontratuaren kopia (lan-ordutegia eta kontratuaren iraupena zehaztuz)
* Segurantza Sozialean alta eman izanaren egiaztagiriaren kopia
* Ordezkoari hilero ordaindu zaiola egiaztatzen duen agiria (nomina izenpetua). Berdin Segurantza Sozialarekin (TC2)
* Getxoko langabetua kontratutako balitz INEMeko txartelaren kopia; txartelak helbidea jaso behar du.
* Euskaltegira doan pertsona establezimenduarekin duen lotura adierazten duen agiria:
- Jabea bada hori egiaztatzen duen agiria.
- Euskaltegira doana ere kontratua bada lan-kontratuaren kopia

2.4.- Ordezkoa euskalduna izatea

Baldintzak:
* Euskaltegira doan pertsonaren ordez kontratatzen denak euskara jakin beharko du bezeroak euskaraz atenditu ahal izateko. Honetarako honakoak hartuko ditugu aintzat:
- Administrazioko 2 HE gaindituta izatea, Irakaskuntzako 1HE, Hizkuntza Eskola Oinarrizko maila
- Euskaltegiko 8. Urratsa gaindituta izatea.
- Ikasketa euskaraz burutu izana.
* Ordezkoak ez badu puntu honetan aipatutakoak egiaztatzeko modurik baina maila nahikoa duela uste badu, edo zalantzazko kasuetan, mailaketa proba egingo zaio Getxoko euskaltegietako batean.

Betebeharrak:
* Ordezkoaren mailaren ziurtagiria
* Edo, mailaketa probaren emaitza jasotzen duen egiaztagiria

2.5.- Asistentzia

Baldintzak:
* Euskaltegira doanak, gutxienez, %85eko asistentzia izan beharko du.
* Ez Euskara Zerbitzuak ezta euskaltegiek ere ez dute asistentzia faltak zuritzeko frogagiririk onartuko

Betebeharrak:
* Euskaltegiaren ziurtagiria
- Lehenengo hiruhilekoaren amaieran, urria-abendua epealdiari dagokion egiaztagiria.
- Amaieran ikasturte osoari dagokiona

3.- DIRULAGUNTZAREN ORDAINKETA

* Dirulaguntza, gehienez, 2.500 eurokoa izango da
* Diru kopuru hori komertzioaren sektorea arautzen duen konbenio kolektiboari erreparatuta kalkulatu da.

Baldintzak:
* Dirulaguntza bi epetan ordainduko da:
- %30 lehenengo hiruhilekoa amaitutakoan (asistentzia ziurtatuta)
- %70 amaieran

Betebeharrak:
* Hileroko nominen eta TC2 fotokopiak
- Lehenengo hiruhilekoaren amaieran, urria-abendua epealdiari dagozkion fotokopiak.
- Amaieran ikasturte osoari dagozkionak
* Euskaltegiaren ziurtagiria
- Lehenengo hiruhilekoaren amaieran, urria-abendua epealdiari dagokion egiaztagiria.
- Amaieran ikasturte osoari dagokiona

4.- ESKAERAK AURKEZTEKO EPEA

* Eskaerak hiruhileko bakoitzaren hasieran aurkeztu ahalko dira.
* Eskaerak Udalaren erregistroetako batean erregistratu beharko dira eta aurkezten diren ordena berean ordainduko dira, aurrekontu partida dagoen bitartean.

5.- LAN POLTSA

* Merkatariei ordezkoen kontratazioa errazte aldera eta kontratatzen den ordezkoak behar bezalako zerbitzua eskainiko duela bermatzeko Getxoko Udalak duen BEHARGINTZA izeneko enplegu-zentroak, lan honetarako LAN POLTSA osatuko du.
* LAN POLTSA hau merkatariek erabili ahal izango dute ordezkoak kontratatu ahal izateko
* LAN POLTSAN izena ematen duten hautagaiek euskararik dagokion baldintza, hau da, 2.4 puntuan aipatutakoa, bete beharko dute.
* LAN POLTSAN izena dutenei BEHARGINTZAK formazio ikastaro bat eskainiko die jendea nola atenditu ikasteko eta merkataritza sektorea hobeto ezagutzeko helburuarekin. BEHARGINTZA zentroak hautegaien aukeraketa egingo du eskatzen duten establezimenduetara bidali aurretik.

6.- AURREKONTUA

* Dirulaguntzak erregistroaren hurrenkerari estuki jarraituz abonatuko dira, aurrekontu-partida dagoen bitartean.
* Dagoen diru kopurua nahiko ez balitz eskaera guztiak diruz laguntzeko Udalak bi irizpide erabiliko ditu dirulaguntza jasoko duten eskaerak aukeratzeko:
1- Aurreko ikasturtean ere eskaera egin eta euskaltegian ibili izana eta aurreikusitako emaitzak lortu izana
2- Getxoko langabeak kontratatzen dituztenek lehentasuna izango dute.

7.- ERANSKINA

Oinarrietan jasota ez dagoen eskaeraren bat edo kasuren bat aurkeztuz gero, Euskara Zinegotziak ahalmena izango du honen gaineko erabakia hartzeko.