1.- HARTZAILEAK

1.- Euskara ikastera doazen Getxoko Udaletxeko langileak eta Udaleko autonomiadun erakundeetako langileak.
2.- Getxoko Udaleko zinegotziak.

2.- IKASTAROAK

2.1.- Diruz lagunduko direnak HABEk homologatutako ikastaroak eta barnetegiak izango dira. Barnetegien kasuan ez dira egonaldiko gastuak ordainduko.

3.- AURKEZTU BEHARREKO AGIRIAK

HASIERAN
* Eskabide inprimakia bete eta erregistroan zigilatu. Eskabideak honako hauek ere jasoko ditu:
- Eskatzailearen kontu korrontearen zenbakia (20 zenbaki)
- Zein ataletan eta lanpostutan egiten duen lan
* Banketxeko jatorrizko ordainagiria, zigilatuta, matrikula ordaindu dela adierazten duena.
* Euskaltegiaren ziurtagiria: modulua, aurreko ikasturtean egindako urratsa/maila, hasierako urratsa/maila, ikastaroa noiz hasi eta amaituko den, eskatzailea noiz hasiko den ikastaroan eta noiz amaituko duen, jasoko dituen klase-orduak guztira, ordutegia eta matrikularen prezioa

AMAIERAN
* Euskaltegiaren ziurtagiria: taldeak eman dituen klase-orduak guztira, ikasleak hartutako orduak guztira, taldeak egindako urratsa/maila eta ikasleak egindako urratsa/maila

4.- ORDAINKETA

* Udalaren dirulaguntza ez da, inolaz ere, Getxoko edozein euskaltegitan ikastaro berarengatik, matrikula gisa, ordaintzen dena baino altuagoa izango. Hala ere, langileak behar duen ikastaroa Getxoko euskaltegietan ez dagoelako joan behar badu Getxotik kanpoko euskaltefi batetara, egoera hori kontuan hartu eta Euskara Zinegotziak erabakia hartzeko ahalmena izango du.
* Bestelakoetan ikus oinarri orokorretan ORDAINKETAz dioena.

5.- JARDUNBIDEA

* Eguneroko ordu biko ikastaroetara doazen langileek lanordu bat eskatu ahal izango dute horretarako; gainerako ordua, ostera, euren aisialditik atera beharko dute, beti ere Langileria arloaren adostasunarekin (Autonomiadun erakundeen kasuan dagokionaren adostasunarekin).
* Ordutegiaren murrizketa Langileriak murrizketa dekretua jakinarazten duenetik aurrera egin ahal izango da.
* Eguneroko ordu murrizketari uko egin diezaioke langileak, ordu horiek pilatuz udan trinkoak edo barnetegiak egiteko. Hau egin ahal izateko baldintzak hauexek dira:
- Askoz jota bi aste pilatu ahal izango ditu langileak, gainerako bere aisiatik hartu beharko du. Salbuespenak:
      . Ekoizpen gorabeherengatiko kontratuak (adib. lan pilaketagatiko kontratuak)
      . Obra kontratuak sei hilabeterako edo gutxiagorako badira.
- Bi kasu hauetan ezingo dira murrizketa orduak pilatu udako trinkoak edo barnetegiak egiteko.
* Euskara zinegotziak kasuan kasuko erabakiak hartu ahal izango ditu, gerta daitezkeen eta erabaki honetan jasota ez dauden salbuespenezko kasuetan.
* Erabaki honen berri Langileria arloari eta autonomiadun erakundeei emango zaie, kasuan kasu, neurri egokiak har ditzaten.