2004ko azaroaren 25eko ospakizuna dela eta, Emakumeen aurkako Indarkeria Desagerrarazteko Nazioarteko Eguna, Udal honek honakoa AITORTZEN DU:

- Emakumeen aurkako indarkeriak bortxatzen du eta bere giza baliabideak eta oinarrizko askatasunak baliogabetzen dizkio.
- Indarkeria honek areagotzen du emakumeek, bizitzako esparru desberdinetan pairatzen duten desberdintasun egoera estrukturala, eta desberdintasunaren adierazpen bat gehiago izateaz gain, aipatutako desberdintasuna mantentzen duen gizarte kontroleko funtsezko tresna da.
- Emakumeen aurkako indarkeria prebenitu daiteke sexuen arteko berdintasuna sustatzen duen, emakumeen egoera politikoa, ekonomikoa eta sozialeko autonomia eta sendotzea suspertzen duen eta gatazkak konpontzeko metodo ez bortitzen erabilera bultzatzen duten politiken eta jardueren bidez.
-Emakumeen aurkako ekintzak egiten dituztenek jakin behar dute legeak hori zigortzen duela eta gizarte honek ez dituela horrelako jarrerak onartzen.
- Indarkeri honen biktimek gure gizartearen solidaritatea eta laguntza sentitu beharko lukete eta euren eskura jarri behar ditugu beharrezko giza baliabideak eta materialak, indarkeriaren kiribiletik atera eta euren bizitzak berreskuratu ahal izateko.
- Nahiz eta egia izan azken aldi honetan, gaitz sozial honekiko konpromiso politikoa, soziala eta instituzionala zabaldu dela, eta harekin bukatzeko jarduera garrantzitsuak burutzen ari direla, oraindik egiteko asko gelditzen da.
- Tokiko Administrazioak zeregin garrantzitsua dauka, emakumeen aurkako indarkeria prebentzioan zein biktimen arretan eta laguntzan, izan ere, udalerriko lurralde dimentsioa indarkeria hori ematen den gunea da eta, horretaz gain, bere antolaketa dimentsioan, gizarte arazo honetatik eta eragindako pertsonetatik gertuen dagoen erakunde publikoa da.

Hori guztia dela eta, Udal honek, alde batetik, bere eskumenen arabera, udal politika aktiboa garatzeko KONPROMISOA HARTZEN DU, berdintasunaren alde eta emakumeen aurkako indarkeriaren kontra, eta bestalde, Udalerriko emakumeei eta batez ere gizonei ANIMATZEN DIE indarkeria honen aurkako jarrera aktiboa izatera, ez baimentzera, horren aurrean ez isiltzera, eta biktimak laguntzera, eta bereziki, azaroaren 25ean antolatutako jardueretan parte hartzera.