"Au Revoir Triunfadores, una comedia triste de los tiempos modernos" antzezlanean antipoeta batek eta mago batek hartuko dute parte. Magoak uste du hipopotamo bihurtzea dela egungo arriskurik handiena. Hau da, animalia motel, axolagabe, astun eta patxadazalea.

Komedia triste honetako garaileek erabaki bat hartuko dute: metamorfosi arriskutsua gertatu aurretik hil beharko dute. Zubia izango da jomuga, nork bere buruaz beste egiteko amildegi bikaina.

Antzerkiola Imaginarioa

Konpainia honen hitzetan, "garai berrietako komedia tristea" da ikuskizuna. Denborak aurrera egiten duela ezin jasan duten pertsonaia garaileak bildu dituzte antzezlanera. Denboraren joanari buruzko gogoeta sakona da, biziari eta arrakastari buruzkoa.

Ildo horretan, emaitza argia da: garaileak porrotaren erakusgarri argiena dira, pertsonai horientzat hobe da hiltzea, edo nork bere buruaz beste egitea, betiko osorik degeneratu aurretik.

Pertsonaiak arestian azaldutako planteamenduaren metafora dira. Ikuskizunaren erritmoak pixkanaka emango dizkigu ulertu eta interpretatzeko giltzak.

Fitxa teknikoa eta artistikoa:
- Aktoreak: Verónica Fernández, Alex Gerediaga, Iker García, Na Gomes, María Urcelay, Gabriel Ocina, Ainhoa Jauregi
- Zuzendaritza musikala: Aitor Agiriano
- Argi diseinua: Oier Ituarte
- Eszenografia eta atrezzo: Aritz Merino
- Jantziak: Azegina Urigoitia
- Makilajea: Cyntia Loli
- Dramaturgia: FTI
- Zuzendaritza ejekutiboa: Sabih Garai
- Zuzendaritza: Ander Lipus
- Zuzendaritza laguntzailea: Mirian K. Martxante