Liburu Azokan, bisitariek argazki erakusketa interesgarri batekin gozatzeko aukera izango dute azokagunean bertan. “Honelakoak ginen” da erakusketa. Algortako antzinako irudiak bildu dira bertan, paisaiarenak, eraikin edo pertsonenak. Argazki guztiak Getxoko liburutegietako argazki artxiboetakoak dira (San Nikolas liburutegian dagoen udal bildumakoak), eta mende hasierakoak dira asko.