Udalerrietako gobernua eta administrazioa Alkate, Alkatesa eta Zinegotziez osatutako Udalari dagozkio. Zinegotziak hautespen unibertsal, berdin, aske, zuzen eta sekretu bidez aukeratzen dituzte eta Alkatea zein Alkatesa Zinegotziek eurek edota udalerriko biztanleek aukeratuko dituzte.

Getxoko Udalak Udaletxe-Jauregian du egoitza; eraikin horren eraikuntzari 1917. urtean ekin zion Fidel Iturria Jaunak baina lanak J. Ignacio Smith Jaunak bukatu zituen 1928an.

Oinplano errektangeluarduna da eta barne banaketa lurraren desnibela edo beherakada gainditzeko pentsatuta dago; konponbidea terraza erako zokalo handi bat ezartzea izan zen. Azken emaitza kalitate handiko eraikuntza da (aurreko irudian ikus daitekeenez), Berangoko harrobietako urre-koloreko hare-harrizko silarriak dituena eta neomenditar eta euskal jauregi-estiloaren eragina duena.

Udaletxearen aurrez aurre San Inazio plaza dago eta bertan Loiolako San Inazioren eliza, 1878 eta 1892 bitartean eraikia