BANDOAK ETA ORDENANTZAK

Abereak etxebizitzetan edukitzeko baimena dago, betiere jaten eta edaten eta osasun urgazpena ematen bazaie, eta ostatu nahiz instalazioen baldintzak animalien kopuru eta arrazarentzat egokiak badira.

Animaliaren jabea edo horretaz baliatzen dena izango da hark sorrarazten dituen gaitz, kalte eta eragozpenen erantzule, animaliak ihes egin edo galdu arren, Kode Zibilaren 1.905 artilkuluan ezarritakoari jarraiki.

Honako debekatuta daude:

- Txakurrak ohituraz eduki edo estabulatzea balkoi, garaje, soto, azotea, lorategi edo beste edozein lekutan, animaliek auzotar edo oinezkoei eragozpen objektiborik sortzen badute, haien usaina, uluak edo adausiak direla eta.
- Animaliekin sartzea elikagaiak saldu, bildu, eskuztatu edo garraiatzen diren lekuetara.
- Jendearentzako ikuskizunak egiten diren lekuetara, hondartza edo igerileku publikoetara sartzea.
- Jendearentzako zabalik egon, eta animaliekin sartzea beren beregi debekatzen den lekuetara sartzea.

Hazkeak edo eskortako animaliak etxebizitzetan edo beste leku pribatu batzuetan estabulatu ahal izateko, udal baimena beharko da.

Hala ere, aurreko debekuak ezin zaizkie ezarriko pertsona ezinduen laguntza-animaliei

Txakurren jabeek honakoak egin beharko dituzte:

- Udaletxean erroldatu, gehienera ere, animaliak jaio edo eskuratzen direnetik hilabetera, beste erregistro ofizial edo pribatu batzuetan erroldatzeko beharraren kaltetan barik.
- Anmaliak identifidatu, arauz ezarritako dauden eskuzko edo elektronikoako bitartekoak erabiliz. Hala, alfazenbakizko kodea esleituko zaio animaliari, eta haren bizitza osorako baliagarria.
- Txakurraren Osasun-txartela egunean eduki. Horretarako, albaitaritza azterri klinikoa egin beharko zaio animaliari urtero-urtero , eta honakoak agertu beharko dira txartelean:

a) Jabearen datuak
b) Animalia identifikatzeko alfazenbakisko kodea
c) Animaliaren osasun egoeraren adierazgarria
d) Espezie, arraza, eta azalaren kolorea.
e) Sexua eta adina
f) Gaitasunak eta izena
g) Jarri zaizkion txerto guztiak eta gainerako osasun gertaerak

- Erantzukizun zibileko asegurua egin, animaliak sor ditzakeen kalte-gaitzak estaltzeko.

Helbide aldaketa, salmenta, heriotza, galera edo lekualdaketagatik gertatzen diren baxak udal administrazioari jakinarazi beharko zaizkio, gehienez ere, baxa gertatzen denetik hamar egunera, eta, ondore horretarako, behar den dokumentazioa aurkeztu beharko da.

Hiriko bide eta gune publikoetan eta eraikin kolektiboetako esparru komunetan, txakurrek lepokoa eraman beharko dute, eta, gainera, kontrolaturik eta kateaturik joan beharko dute, animalien ezaugarrietara egokitzen den uhal baten bitartez. Edozelan ere, uhala 2 metrokoa izango da gehienez.

"Arriskuko animaliatzat" joko dira, banako izaeraz, udal agintari eskudunek halaxe sailkatu dituzten guztiak. Animalia horiei dagokienez, bide publikoetan, eraikin kolektiboen esparru komunetan eta, oro har, gune publikoetan dabiltzanean, debekaturik dago uhal hedagarririk erabiltzea, eta, betiere, muturrekoa eraman beharko dute. Beste alde batetik, "Arriskuko animalia" dela jakiteko xafla josi beharko zaio uhalari, une oro ikusteko moduan.

Ezin dira txakurren gorozkiak utzi apaintzelekuetan edota pertsonak igarotzen diren lekuetan. Hori dela eta, txakurrak eramaten dituzten pertsonek galtzada bazterrera eraman beharko dituzte, zintarriaren ondora, estoldazulo batetik ahalik eta hurbilen, edota udalak hartarako egokitu dituen lekuetara. Leku horietatik at eginez gero, animaliak eramaten dituzten pertsonek jaso eta behar den lekuan laga beharko dituzte.

Arau hori urratuz gero, udaltzainek eskatu ahal izango diote txakurraren jabeari edo eramaileari gorozkiak jaso eta handik ken ditzala.

Haginez egindako lesioak eragin dituzten txakur eta katuei albaitaritza-azterketa ofiziala egingo zaie udal zerbitzu edo aterpean, hamalau egunean. Animalien egonaldiagatiko gastuak jabeek ordaindu beharko dituzte.

Hala beharrezko denean eta egin behar denean, albaitaritza azterketen langileen oniritziaz, eta jabeak beren beregi aitortutako erantzukizunpean, animaliaren etxebizitzan edo ohiko bizilekuan ere albaitaritza-azterketa egin ahla izango da.