Matrikulazioa

Nola egin matrikula?

Zentroetan aurkaztu beharreko agiriak:

• Familiaren errolda-ziurtagiria
• Familia-liburuaren fotokopia
• Errenta-aitorpenaren fotokopia
• Zentroak emandako eskaera-orria, behar bezala betea.

Zentro publikoetan eta itunpeko zentroetan ikasteak onartzeko irizpideak:

• Ikastetxean neba-arrebaren bat matrikulatuta edukitzea, etxebizitzaren hurbiltasuna, guraso edo tutoreetako batek zentroan bertan lan egitea, familia-unitatearen urteko errenta, ezintasunak, familia ugaria izatea, zentroko kooperatiba-kidea izatea, zentroko organo eskudunak oniritzitako bestelako arrazoiren bat.
• Heziketa Zikloetan, plazarik geratzen ez denean, ikasketa-espedientea edo sarrera-proban lortutako azken nota baino ez da kontuan hartuko.
• Zentro bat baino gehiago aukera daiteke, lehentasuna zehaztuz. Eskaera, aukeratutako lehenengo zentroan aurkez- tuko da.
• Eskaerak, zentro batean baino gehiagotan aurkezten badira, eskatzaileak aukeratzeko eskubidea galduko du.
• Matrikula, haurra bizi den zonari ez dagokion zentro batean egiten bada, ez da jangelaren eta garraioaren diru-laguntzak jasotzeko eskubiderik izango.
• Agiriren bat falta bada, dagokion puntuazioa galdu egingo da.
• Haur etorkinak eskolatzeko, ikastetxeak dagokion agiria emango dio eskatzaileari, honek bete dezan. Gero, Bilboko Hezkuntzako Lurralde Ordezkaritzan dagoen Eskolatze batzordera bidaliko du.

Hezkuntza- ereduak:

• (A) Gaztelaniak, euskara irakasgai
• (B) Euskaraz eta gaztelaniaz
• (C) Euskaraz, gaztelania irakasgai

Mailak:

• Haur Hezkuntza (HH), 0-5 urte
• Lehen Hezkuntza (LH), 6-11 urte
• Derrigorrezko Bigarren Hezkuntza (DBH), 12-15 urte
• Derrigorrezko Bigarren Hezkuntzaren Ondokoa (DBHO), 16-17 urte